माडी चितवन – माडीको मगोई खोलामा नुहाउन गएका एक पुरूषको पानीमा डुबेर मृत्यु भएको छ ।माडी नगरपालिका ५, जङ्गेटोल निवासी अन्दाजी ४५ वर्षका गंगाबहादुर विश्वकर्माको मगोही खोलामा डुबेर मृत्यु भएको हो ।
बिहीबार दिउँसो श्रीमती र छोरीसहित रेडहिल पार्क घुमेर घर फर्किने क्रममा खोलामा नुहाउन गएका विश्वकर्मा पानीको गहिरो भागमा पर्दा डुबेका थिए । उनलाई अचेत अवस्थामा अस्पताल ल्याइएकोमा चिकित्सकले मृत घोषित गरेका हुन् ।
मृतकको शव यो समाचार तयार गर्दासम्म माडीको बसन्तपुरस्थित बघौंडा अस्पतालमा रहेको जनाइएको छ । अस्पतालमा प्रहरी र स्थानीय जनप्रतिनिधीहरु पुगेका छन् ।
What’s your Reaction?
+1
+1
+1
+1
+1
+1
