चितवन – चितवन मा पहिलो पटक राष्ट्रियस्तरको ग्राण्ड फेसन शो “नेपाल फेसन रनवे” सम्पन्न भएको छ।
चितवनको भरस्तपुरस्थित टप वान मिडिया प्रा. लि. को आयोजनामा राष्ट्रियस्तरको “फेशन” शो शुक्रबार रोज गार्डेन पार्टी प्यालेसमा सम्पन्न भएको हो ।
करिब ३ घण्टा चलेको ‘रन वे’ मा ३५ जना मोडलहरु सहभागी थिए । जुनियर, सिनियर र प्लस साइज गरी तीन फरक फरक वर्गमा मोडलहरु सहभागी भएको टप वान मिडियाका प्रवन्ध निर्देशक तथा कोरियोग्राफर रवि सापकोटाले जानकारी दिए ।
विभिन्न फेसन डिजाइनरले बनाएका लुउगाहरु मोडलहरुले पहिरिएर ” नेपाल फेसन रनवे” मा प्रस्तुत गरेका थिए
सोही कार्यक्रममार्फत नै टप वान मिडियाले आगामी दुई कार्यक्रम पनि घोषणा गरेको छ । २०२५ मा आयोजना हुने गरी ब्युटी हन्ट नेपाल र बेस्ट फेशन रन वे २०२५ घोषणा गरिएको हो ।
टप वान मिडियाले हालै मात्र मिस ब्युटी अफ चितवन सिजन ३ सम्पन्न गरेको थियो । उक्त मिडियाले लामो समयदेखि यस किसिमका कार्यक्रमहरु गर्दै आएको छ ।